+116

Wolwekrans Eco Lodge

60 resensies

Selfsorg

Soos Gesien op Facebook
Kapasiteit: 16 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Portion 6 and 7 Farm, Sterkspruit, Schoemanskloof, 9762, Mpumalanga
Vanaf R1 800 per nag (plek vir 2)

Beskrywing

Wolwekrans Eco Lodge, ook bekend as die Juweel van Mpumalanga, is op die 120 hektaar Schoemanskloof-platorand geleë met asemrowende 240º uitsigte oor die Laeveldvallei en op die Schoemansberge in die agtergrond.

Verblyf is beskikbaar in 2 eko-vriendelike chalets en 'n eksklusiewe safari-tent. Elke chalet het sy eie unieke uitsig oor die vallei en op die Schoemanberge, asook 'n privaat boma, dek en braaigeriewe. Die selforgkombuise het elk 'n tweeplaat-gasstoof, 'n yskas-vrieskas, breekware en eetgerei. Warm water word via 'n gasgeiser voorsien en beligting word via 'n sonkragstelsel verkry.

Verder is daar 'n bosveldswembad en Wolwekrans het spesifieke piekniekplekke wat gaste se piekniek so privaat en spesiaal as moontlik sal maak.

Dié perseel is ook wyd bekend vir die uitstekende staproetes. Daar is staproetes vir almal, van ervare stappers tot beginners en gaste sal die kans kry om die wild wat vrylik rondloop op Wolwekrans, soos koedoes, rietbokke, duikers, ribbokke, bosbokke, klipspringers, vlakvarke en jakkalse te sien. Wolwekrans is die ideale bestemming vir enige voëlliefhebber. Die spruit wemel van arende, valke en kleiner eksotiese voëls.

Die perseel kan slegs bereik word met 'n hoë grondvryhoogte SUV, bakkie of 4x4.

Bespreek