Verified Reviews
Graaff-Reinet
All reviews have been left by LekkeSlaap customers staying in Graaff-Reinet
Rated 4.5 out of 5 based on 1354 reviews.
"Polka a very good restaurant with good food that is well cooked. "
"Graaff-Reinet is 'n gemaklike oorslaapplek vir enige iemand op pad Kaap toe, en die kerk in die hoofstraat moet die mooiste kerk in SA wees."
"Wel, soos die res van Suid Afrika is die verval sigbaar. Maar dit is 'n pragtige dorp en die restaurant Polka is van die beste in die wêreld."
"Dit was beslis die 3 dae se oorslaap werd. Ek vertel reeds vir almal wat wil luister hoe 'n heerlike vakansie-ervaring dit was. "
"Graaff-Reinet is 'n pragtige dorp met wonderlike dinge om te verken. Van ou kerke, museums, kaktustuine tot staproetes en soveel meer, is dit werklik iets om te beleef. Die inwoners is vriendelik en laat 'n mens tuis voel. Van die oomblik wat 'n mens by die dorp inry voel 'n mens ontspanne en verlaat die alledaagse stres jou onmiddellik. "
"Ten spyte van die gure weer, kon ons effe rondstap. Dit lyk na 'n dorp met baie om te sien en te doen. Die museums was reeds gesluit, maar is op ons doen-lys, asook die omgewing, veral die Nasionale Park. Wat wel gehinder het, is die toestand van die park agter die indrukwekkende kerk (voor die stadsaal/burgemeesterskantoor?). Die terrein is vuil en onversorg, met haweloses wat doelloos rondsit. Ons sal wel terugkom om die dorp se besienswaardighede en die omgewing te verken."
"Mooi historiese dorp! Het oorslaap geniet. Nog baie om te sien as ons volgende keer kom kuier."
"Pragtige plek om jou vakansie mee te begin of af te sluit as jy op pad Kaap toe is. Oulike winkels en restaurante in die dorp met 'n baie rustige atmosfeer. Slim dorp om jou laaste vars kos te koop as jy oorgeslaap het in Graaff-Reinet."
"Pragtige stad, dis goed om te sien dat daar nog mense is wat omgee oor dele van ons land."
"Was jammer dat die kleiner snuffelwinkeltjies toe was weens 'n besige seisoen 'n Mens sou gehoop het dat dit wel nog oop is vir die besoekers. Die historiese geboue is moeilik om op te spoor - 'n pamflet wat 'n duidelike kaart op het met 'n bietjie geskiedenis van die geboue en waar hulle is sal voordelig wees. "
"As jy van vetplante hou, is die Obesa-kwekery 'n fantastiese plek om te besoek! Daar is ook heelwat om te sien in die omgewing: die Vallei van Verlatenheid is asemrowend, en Nieu-Bethesda met sy Uilhuis is net 50 km weg. Dis beslis die moeite werd om meer as net een aand hier te bly!"
"Ons het ongelukkig nog nooit Graaff-Reinet as 'n toeristebestemming besoek nie, maar slegs as oornagverblyf op pad na Gauteng of terug Kaapstad toe. Ons hoop egter om een of ander tyd 'n paar dae langer daar oor te bly, want ons is baie beïndruk met wat ons daar ervaar het."
"Dis 'n pragtige dorp met die mooiste geboue. Jammer dit is so droog, ons bid net dat die reën gou vir julle sal kom."
"Bespreek gerus 'n wildrit na die Camdeboo Nasionale Park - daar is soveel interessanthede wat vertel word oor Graaff-Reinet en die park - ook genoem die Vallei van Verlatenheid."
"'n Baie mooi dorp. Wil nog vir 'n paar dae daar gaan bly om die omgewing te verken. Dié dorpie het die oulikste restaurante met baie besonderse kosse."
"Ons het die dag in Camdeboo National Park deur gebring en kan dit beslis aanbeveel. Die geriewe is in uitstekende toestand en daar is lieflike roetes in die park. Ons het ook gebraai in die park en moet noem dat die piekniekarea lieflik was. Beslis die moeite werd om te besoek."
"Jy mag dit nie mis nie. 'n Mens het ten minste een volle dag nodig om dit ordentlik te ontdek."
"Die dorp gaan agteruit, die strate is vuil. Was 5 jaar gelede nog pragtig en skoon."