+20

1 On Joyce

3 resensies

Selfsorg

Kapasiteit: 2 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 1 Joyce Street, Franskraal, Gansbaai, 7220, Wes-Kaap
Vanaf R1 100 per nag (plek vir 2)

Beskrywing

1 On Joyce is 'n bekoorlike tuinkothuis op die eienaar se erf in Franskraal, net 300 m vanaf die hoofstrand. Die kothuis het 'n privaat ingang en is die perfekte wegbreek by die see vir paartjies.

Die kothuis bied slaapplek aan 2 gaste en beskik oor 'n slaapkamer met 'n driekwartbed en 'n en suite-badkamer met 'n stort, wasbak en 'n toilet. Gehaltelinne word voorsien, maar gaste moet hul eie bad- en strandhanddoeke saambring.

Die oopplan-leefarea beskik oor 'n kombuis wat met 'n yskas-vrieskas, gasstoof, gasoond, mikrogolfoond en tee- en koffiemaakgeriewe toegerus is. Elektrisiteit word vooraf betaal, koopbewyse kan via gaste se banktoepassing gekoop word. Langs die kombuis is daar 'n sitarea met 'n pragtige uitsig op die Franskraalberg. Die sitarea het 'n gemaklike L-vormige rusbank en 'n ingeboude braai. Gratis WiFi is ook beskikbaar.

Buite is daar 'n privaat stoep met buitemeubels. Parkeerplek is op die perseel beskikbaar. Alhoewel die kothuis op die eienaar se perseel geleë is, word privaatheid verseker.

Hierdie deel van die Wes-Kaap se kuslyn is ruig en spog metmet uitstekende visvang en haaihokduikgeleenthede, asook pragtige geleenthede vir skubaduikers en gaste wat wil snorkel om die kleurvolle oorvloed fauna en flora onder die see te sien. Die pragtige strande is ook ideaal vir dié wat wil swem.

Bespreek