+53

Adam's Guest House

7 resensies

Gastehuis

Kapasiteit: 8 persone
Geen kinders onder 4
Inkloktyd: 14:00 tot 19:00
Uitkloktyd: 10:00
Adres: 5 Dassie Island Close, Yzerfontein, 7351, Wes-Kaap
Vanaf R1 280 per nag (plek vir 2)

Beskrywing

Adam's Guest House is 'n nuut ontwikkelde gastehuis in Pearl Bay naby 'n afgeleë en ongerepte strand aan die suider deel van Yzerfontein aan die Weskus. Toegang tot die sandduine is net 'n entjie se stap ver. Gaste kan ook uitkyk vir een van die mooi wilde volstruise waarvoor Yzerfontein bekend is.

Verblyf is beskikbaar in 4 ruim gastekamers, elk met 'n en suite-badkamer met 'n stort, toilet en 'n dubbelwasbak. Elke kamer het ook 'n kombuisie met 'n yskassie, ketel, induksietsoofplaat, eetgerei, breekware, en 'n verskeidenheid van koffie en tee. WiFi is beskikbaar.

Gaste maak gebruik van 'n gemeenskaplike selfsorgkombuis, eetarea en leefarea op die onderste verdieping van die huis. Die kombuis is toegerus met 'n gasstoof, oond, ander toebehore, eetgerei en breekware.

Daar is ook braaigeriewe, 'n pizza-oond en 'n roker in die tuin buite. 'n Ekstra braai is in die gemeenskaplike kombuis beskikbaar. 'n Bykomende braai-area is in die Koi-damarea geleë en is toeganklik vanaf die eet- en leefarea.

Die eet- en leefarea lei na 'n ontspanningsarea met 'n Koi-dam.

Ontbyt en aandete kan vir groter groepe voorsien word mits vooraf gereël word.

Voorsiening kan vir funksies, soos verjaarsdae, konferensies, ens. met tot 20 gaste gemaak word indien dit vooraf gereël en bespreek word.

Bespreek