Beskrywing

Bylae A is 'n moderne, ruim woonstel met 'n privaat ingang wat aan die eienaar se hoofhuis in Groenkloof, Pretoria, grens. Die sentrale ligging maak dit ideaal vir gesinne en sakereisigers.

Dié eenheid bied slaapplek aan 4 gaste en beskik oor 2 slaapkamers en 1 badkamer. Elke slaapkamer het 'n ekstra lang koninggrootte-bed en 'n plafonwaaier, en albei lei na'n privaat tuin en stoep. Die gedeelde badkamer het slegs 'n stort. Gehaltelinne en badhanddoeke word voorsien.

Die oopplan-leefarea met lugversorging het 'n kombuis wat met 'n lugbraaier, tweeplaatstoof, mikrogolfoond, ketel, broodrooster, eetgerei, breekware, yskas-vrieskas en 'n toonbank met 2 stoele toegerus is. Die aangrensende sitarea het gemaklike rusbanke en 'n TV met die volle DStv-pakket. Verder is daar 'n studeerarea met 'n witbord en 2 skootrekenaarvriendelike werkareas. Gratis WiFi is beskikbaar.

Buite is daar braaigeriewe en sitplek. Parkeerplek is op die perseel onder 'n tandem-motorafdak vir 2 klein voertuie of 1 groot voertuig beskikbaar. Daar is ook straatparkeerplek vir ekstra voertuie. Hierdie eenheid het sonpanele en 'n omsetter en word nie deur kragonderbrekings geraak nie. Die verblyf is naby hospitale, geriefswinkels en restaurante.