Wat ʼn aangename verrassing! Ons sal enige tyd weer daar oornag. Groot was ons verbasing om hiérdie onbekende juweel te ontdek. Wat ʼn lieflike verrassing toe die plek reeds afgekoel is met die instapslag, en ons net skoene kon uitskop. Als was skoon en in plek. Omdat dit op die erfenisterrein is, kon ons vroegoggend heerlik alleen stap en by die uitkykpunte ons geskiedenis opskerp. Ons familie het dit baie geniet. Dankie julle.

Bagpipe Lodge het baie potensiaal mits die klein dingetjies aandag kry. Bagpipe Lodge is 'n oulike plek, maar het 'n paar tekortkominge soos geen braaitang en draadborsel om die braairooster skoon te maak nie. Daar was ook nie afwasseep beskikbaar om die skottelgoed te was nie, en ook nie 'n sponsie of wasvadoek nie. Die afdroogvadoek was nie skoon nie, daar was geen handewasseep in die badkamer nie, en die regterkantse stort se watermenger se handvatsel is los en val kort-kort af. Die gebroke vloerteëls reg by die voordeur skep 'n swak indruk. Die messe en vurke is los in die laai, en daar was net een steakmes beskikbaar.

Sien hierbo. Baie goeie ligging en wonderlike natuurskoon. Ongelukkig was die woonstel baie vuil! Die mikrogolfoond was baie vuil aan die binnekant, so ook die (baie klein) yskas. Die vrieshokkie was heeltemal opge-ys en sommer op die eerste aand het die yskas heelwat water begin uitlek en heeltemal opgehou werk (ons het die skakelpersoon laat weet). Die stort se drein was heeltemal verstop met hare van vorige gaste en dus kon die water nie uitloop nie en die vloer het vinnig oorvloed (ons het die skakelpersoon laat weet). Die tafeltjies in die sitkamer was baie taai en vuil. Dit het nie gelyk of daar enigsins skoongemaak is voor ons koms nie. Daar is ook nêrens vullisdrommetjies in die kamers of badkamer nie, slegs een in die kombuis waarvan die deksel gebuig is en dus kan hy nie mooi toemaak nie. Eetgerei ook te min. Ons was 4, maar daar was slegs 3 groot borde en 3 bekers. Mens moet jou eie skottelgoedsponsie en vadoek onthou, asook swartsakke, en definitief skoonmaakmiddels! Die braairooster bv. was baie vuil en net so gelos na die vorige gaste se braai. Die potensiaal is groot, want die atmosfeer op die Magersfontein berg is wonderlik betowerend en magies, veral as jy van geskiedkundige plekke hou, maar die huisie kort beslis 'n baie deeglike skoonmaak en 'n paar vullisdrommetjies!

Lekker gerus met goeie lugverkoeling in die somer en 'n lekker braai area buite. Stil en rustig met donker nagte sodat die sterre sigbaar is omdat dit so afgeleë is. Geskiedkundige besienswaardighede binne stapafstand van die huis.

Skoon veilige verblyf op jou eie. Ons het die rustigheid baie geniet. Verblyf is baie skoon.

Wonderlike belewenis. Geniet van 'n asemrowende sonsondergang en uitsig. Grondpad en bietjie 4x4 om daar uit te kom - nie ideaal as jy haastig Kaap toe of terug is. Bring jou eie braairooster, braaitang en koffie.