Beskrywing

Geniet die moderne bekoring van Freedom Tiny Three-kothuis, geleë op 'n plaas omring deur wild en ongerepte grond. Die selfsorgkothuis is tussen Beacon Bay en Gonubie geleë en is sowat 13 km buite Oos-Londen, asook 'n hanetreetjie vanaf gewilde plaasstalletjies, restaurante en brouerye.

Dié eenheid het slaapplek vir 2 gaste. Die slaapkamer is ingerig met 'n dubbelbed en beskik oor 'n badkamer met 'n stort, toilet en wasbak. Linne word voorsien.

Die kombuis is toegerus met 'n eenplaatstoof, mikrogolf, yskas-vrieskas, wasmasjien, tee- en koffiemaakgeriewe en eetgerei en breekware.

Die sitarea is ingerig met 'n gemaklike rusbank en 'n slim-TV met Netflix. Onbeperkte gratis WiFi is beskikbaar.

Gaste het toegang tot 'n patio wat spog met uitsigte oor die dam en die rustige omgewing van die plaas. Gaste kan in die uitgestrekte lowerryke omgewing kuier en 'n ontspannende piekniek geniet. Toegang tot veilige parkeerplek is beskikbaar.