Beskrywing

Freedom Tiny Three is 'n bekoorlike selfsorgkothuis op 'n plaas wat deur wild en onbelemmerde natuurskoon omring word. Die kothuis is tussen Beaconbaai en Gonubie geleë en ongeveer 13 km vanaf Oos-Londen. Die omgewing bied ook 'n verskeidenheid plaastalletjies, restaurante en brouerye.

Die eenheid bied slaapplek aan 2 gaste. Die slaapkamer het 'n dubbelbed en daar is 'n stort, toilet en 'n wasbak in die badkamer. Linne word voorsien.

Die kombuis is met 'n enkelplaat-induksiestoof, mikrogolfoond, yskas-vrieskas, wasmasjien, tee- en koffiemaakgeriewe, eetgerei en breekware toegerus.

Die leefarea beskik oor 'n gemaklike sitarea en 'n slim-TV met Netflix. Onbeperkte, gratis WiFi is beskikbaar.

Verder het gaste toegang tot 'n stoep met 'n dam- en plaasuitsig en hulle kan in die loweryke omgewing gaan wandel of 'n piekniek geniet. Veilige parkeerplek is ook beskikbaar.