Beskrywing

La Roche Stay is 'n knus selfsorgwoonstel met 'n privaat ingang, wat op die grondverdieping van die eienaar se hoofhuis in Humewood, Gqeberha (Port Elizabeth) geleë is.

Dié woonstel bied slaapplek aan 4 gaste en beskik oor 2 slaapkamers en 1 badkamer. Die eerste slaapkamer het 'n koningingrootte-bed en die tweede slaapkamer het 2 enkelbeddens. Gaste deel 'n badkamer met 'n stort. Linne en badhanddoeke word voorsien.

Die kombuisie is met eenplaat-induksiestoof, mikrogolf, yskassie, ketel, eetgerei, breekware, tee- en koffiemaakgeriewe toegerus. Daar is ook 'n etenstafel met sitplek vir 2. Gaste het ook toegang tot 'n TV met die volle DStv-pakket. Gratis WiFi is beskikbaar.

Buite is daar 'n stoep met 'n etenstafel en draagbare braaigeriewe. Veilige parkeerplek is op die perseel beskikbaar. Die Kings-strand is ongeveer 800 m weg, en die woonstel is stapafstand vanaf restaurante en gerieflikheidswinkels. Daar is ook sonkrag wat elektrisiteit tydens kragonderbrekings voorsien.