+32

Laid Back Family Beach House

13 resensies

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: 10 Shelly Beach Road, Port Alfred, 6170, Oos-Kaap
Vanaf R1 272 per nag, vir 8 mense

Beskrywing

Laid Back Family Beach House is 'n selfsorgvakansiehuis in 'n stil straat in Port Alfred. Dié huis, wat 'n uitsig oor die oseaan het, is net 1 km vanaf Shelley Beach en 'n 4 minute se stap vanaf Kelly's Beach waar gaste kan branderplankry, rotspoele verken, wandel, visvang of skulpies versamel. Die huis is ideaal vir 'n groep vriende of 'n gesin en is gerieflik ingerig en toegerus om 'n lekker vakansie in goeie gees te hou.

Die huis bied slaapplek aan 8 gaste en beskik oor 3 slaapkamers, 2 badkamers, 'n oopplan-kombuis, -eetarea en -leefarea, asook 'n tweede sitarea. Die eerste slaapkamer het 'n dubbelbed en die en suite-badkamer het 'n stort-oor-bad, 'n toilet en 'n wasbak. Die tweede en derde slaapkamers het ook elkeen 'n dubbelbed. Die tweede badkamer het 'n instapstort, toilet en 'n wasbak.

Die kombuis is volledig toegerus vir selfsorg met 'n gas-stoof en -oond, yskas-vrieskas, mikrogolfoond, skottelgoedwasser en 'n wasgoedarea. Die eetarea het 'n sessitplek-etenstafel met ekstra stoele wat tot 8 gaste kan akkommodeer. Die eerste sitarea het gemaklike sitplek, 'n TV en 'n kaggel. Daar is 'n tweede sitarea langs die eetarea wat sitplek en 2 addisionele enkelbeddens het.

Die leefarea lei na 'n onderdakstoep met stoepmeubels, 'n ingeboude braai en 'n gedeeltelike uitsig oor die see. Daar is 'n groot tuin waar kinders kan speel en hul kan in die straat fietsry, skaatsplankry of self balspeel aangesien dit 'n baie stil straat.

Daar is 'n motorafdak op die perseel en die huis het 'n alarm wat met 24 uur-gewapende reaksie gekoppel is.

Gratis WiFi is beskikbaar en ononderbroke kragtoevoer word daaraan verskaf tydens beurtkrag. Strandhanddoeke word nie voorsien nie. Gaste moet asb. hul eie DStv-dekodeerder, -slimkaart, -kabels, kragproppe en afstandbeheerder saambring, of die WiFi gebruik en Netflix kyk. Daar word nie strandhanddoeke verskaf nie.

Bespreek