Beskrywing

Purple Daisy Guest Studio is 'n selfsorgwoonstel wat in die kusdorp Strand geleë is. Dié ateljee is ongeveer 900 m van die swemstrand af, en 30 km van Kaapstad Internasionale Lughawe af. Dit is ook na aan Somerset Mall, gholfbane en verskeie wynroetes. Stellenbosch is ook net 'n 19 km-rit tussen pragtige wingerde deur.

Purple Daisy Guest Studio het 'n oopplan-slaaparea, -sitarea en -leefarea. Daar is ook 'n en suite-badkamer en 'n kombuisie.

Die slaaparea het lugversorging en is ingerig met 'n koningingrootte-bed en ingeboude kaste. Die en suite-badkamer beskik oor 'n stort, 'n wasbak en 'n toilet. Sjampoe, seep,1 stel handdoeke word voorgesien. Die kombuis is toegerus met 'n oondjie en 'n drie-plaatstofie en oond, 'n yskassie, mikrogolfoond, Nespresso-koffiemasjien, ketel, breekware, eetgerei en 'n ontbythoekie. Die oopplan-sitkarea het 'n gemaklike rusbank wat kan oopslaan in 'n slaapbank en 'n platskerm-TV met volledige DStv (PVR). Gratis WiFi is beskikbaar. Die woonstel het 'n gekoppelde alarm.

Die woonstel bied verder 'n privaat ingang, veilige parkeerplek agter 'n afstandbeheerde hek en 'n tuintjie met 'n draagbare braaier, bank, sambreel. Hout word gratis voorsien op aanvraag.

Ons kan ook 'n skoonmaakdiens per dag teen 'n ekstra fooi verskaf (reël met eienaar).