+16

SANParks Skuinsklip Coastal Camp Site

2 resensies

Kampeer/karavaan

Kapasiteit: 12 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Off the N7, Namaqua National Park, 8241, Noord-Kaap
Vanaf R178 per nag, vir 2 mense

Beskrywing

SANParks Skuinsklip Coastal Camp Site is in die Namakwa Nasionale Park in die hartjie van die Karoo. Die park het baie uitgebrei en strek tans vanaf die bekende Skilpad-gedeelte naby Kamieskroon op die platorand weswaarts tot by die kus. Dis 'n landskap van kontraste met plante en diere wat by die geharde klimaat aangepas het. Plate veldblomme, 'n helder sterrehemel, kokerbome, enorme granietrotse en die yskoue Atlantiese Oseaan is maar enkele van die natuurwonders in dié geweste.

Skuinsklip het slegs 2 kampstaanplekke en is naby 2 pragtige strande langs 'n rotsagtige kus. 'n 4x4-voertuig word benodig om die kamp te bereik.

Skuinsklip is 'n eenvoudige kampterrein wat met die natuur saamsmelt. Gaste moet alle benodigdhede saambring aangesien daar slegs basiese geriewe is. Daar is 2 staanplekke, elk met windbeskutting en 'n braai-area. Die staanplekke het nie water, krag of ablusiegeriewe nie, slegs omgewingsvriendelike toilette. Daar is ook nie selfoonsein nie.

Hout is by die Groenrivierhek beskikbaar, maar gaste word nogtans aangeraai om hul eie hout saam te bring.

Bespreek