Beskrywing

Sea Breeze No. 5 is 'n selfsorgwoonstel in Lambertsbaai, 'n rustige vissersdorpie aan die Weskus, sowat 2,5 uur se ry vanaf Kaapstad. Die eenheid is in 'n kompleks met ander eenhede geleë.

Dié woonstel op die boonste verdieping bied slaapplek aan 5 volwassenes en 2 kinders in 3 slaapkamers. Daar is 2 slaapkamers met 'n dubbelbed in elk en die derde oopplan-slaapkamer met 1 enkelbed en 'n stapelbed. Die badkamer is toegerus met 'n stort, wasbak en toilet.

Besprekings van tot 6 volwassenes en 1 of 2 kinders is welkom indien dit voor bespreking gereël word. Neem asseblief kennis dat die maksimum volwassenes wat hierdie eenheid kan akkommodeer 6 is.

Die woonstel beskik ook oor 'n oopplan-kombuis en -sitarea. Die kombuisarea is goed toegerus vir selfsorg en beskik oor 'n tweeplaatstoof met 'n oondjie, yskas-vrieskas en mikrogolf. Daar is ook 'n ontbyttoonbank met 4 stoele. Die sitarea bied gemaklike sitplek en TV met sekere plaaslike kanale. Buite is daar 'n onderdakbalkon met braaigeriewe en 'n uitsig oor die see. Daar is ook 'n tafel en 6 stoele.

Die woonstel is ideaal geleë binne 'n kort afstand vanaf die strand, plaaslike winkels en restaurante.