Beskrywing

Villa Flamenco 14 is 'n selfsorg-vakansiewoonstel met 2 slaapkamers wat in Shaka's Rock in KwaZulu-Natal geleë is. Shaka's Rock is 'n kusbuurt langs die Indiese Oseaan aan die beeldskone Dolfynkus, net 5 km noord van Ballito af.

Dié woonstel bied slaapplek vir tot 4 gaste in 2 dubbelslaapkamers. Die eerste kamer het 'n dubbelbed en die tweede kamer het 2 enkelbeddens. Die woonstel het 2 badkamers waarvan 1 'n bad en die ander 'n stort het. Die kombuis is volledig toegerus vir selfsorg en die leefarea lei na 'n patio. 'n Sluitbare motorhuis is beskikbaar.

Mense wat graag waterski, op die strand baljaar of diepsee-visvang is mal oor Shaka's Rock se strand. Shaka's Rock bied pragtige kuslyn-uitsigte en die oord het alles wat nodig is vir 'n lekker gesinsvakansie by die see. Die belangrikste geriewe is in Ballito beskikbaar, sowat 5 minute se ry van Shaka's Rock af.