+24

Uitspan Jagplaas

Wildsplaas

Gratis kansellasie tot 1 week voor jou verblyf!
Kapasiteit: 10 persone
Alle ouderdomme is welkom
Inkloktyd: 08:00 tot 18:00
Uitkloktyd: 10:00
Adres: D1046, Farm Uitspan 453, Aranos, Hardap
Vanaf R1 000 per nag, vir 2 mense

Beskrywing

Uitspan Jagplaas skuil in die hartjie van die Kalahari in die buitewyke van Aranos, langs die oostelike grens van Namibië. Dié plaas spog met 'n uitsig oor die Swartpan van die Kgalagadi-oorgrenspark en bied verblyf aan gesinne en vriende wat op soek is na 'n rustige wegbreek buite die stad se gewoel.

Die huis bied slaapplek aan 10 gaste en beskik oor 5 slaapkamers en 4 badkamers. Twee slaapkamers het dubbelbeddens, 2 slaapkamers het elk 2 driekwartbeddens en die vyfde slaapkamer het 2 enkelbeddens. Drie slaapkamers het en suite-badkamers met storte en die aparte badkamer het ook 'n stort. Beddegoed en handdoeke word voorsien.

Die oopplan-leefarea het gemaklike sitplek, 'n TV, etenstafel, binnebraai en 'n kombuis. Die kombuis is met 'n yskas-vrieskas, stoof, oond, mikrogolf, skottelgoedwasser en koffie- en teemaakgeriewe toegerus. Buite is daar 'n stoep en 'n vuurput onder die sterre. Hout word voorsien.

Wifi is nie by die jagkamp beskikbaar nie, maar wel by die hoofwoning.

Hiér kan gaste rustige verblyf in 'n natuurlike omgewing ervaar, asemrowende sonsondergange bewonder en blywende herinneringe skep.

Bespreek