+83

Abode Africa

24 resensies

Selfsorg

Kapasiteit: 4 persone
Alle ouderdomme is welkom
Inkloktyd: 15:00 tot 22:00
Uitkloktyd: 10:00
Adres: 18 Clam Road, Nautica 604, Table View, 7441, Wes-Kaap
Vanaf R3 050 per nag (plek vir 4)

Beskrywing

Abode Africa is op die westelike kuslyn in Table View en bied 'n uitsig op Tafelberg en oor Robbeneiland van die heel voorste straat teen die strand. Die huis bied 'n onbeperkte uitsig oor die see en spog met ruim, oop spasies.

Dié woonstel het slaapplek vir 4 en beskik oor 2 slaapkamers, 2 badkamers en 'n oopplan-kombuis en -leefarea. Die hoofslaapkamer het 'n koningingrootte-bed en 'n en suite-badkamer met 'n stort, toilet en wasbak. Dié kamer het ook 'n uitsig op Tafelberg en oor die see van die balkon af. Die tweede kamer het 2 enkelbeddens en die tweede badkamer het 'n stort-oor-bad, toilet en 'n wasbak.

Die kombuis is toegerus met 'n stoof, oond, yskas-vrieskas, mikrogolf, Nespresso-koffiemasjien, skottelgoedwasser, eetgerei en breekware. Die eetarea het sitplek vir 4, en die sitarea het 'n gemaklike rusbank en 'n platskerm-TV teen die muur met Netflix en Amazon Prime. Gratis WiFi is beskikbaar.

Die kompleks bied 'n gemeenskaplike swembad, 'n braai-area en veilige parkeerplek. Abode Africa is oorkant Blouberg se strandfront wat as een van die beste vlieër-branderryplekke in die wêreld bekend staan. Dit is ook net 20 minute van die hartjie van Kaapstad af.

Bespreek