+28

Bass Haven

Selfsorg

Kapasiteit: 9 persone
6 volwassenes, 3 kinders
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: 2536 Bass Road, Betty's Bay, 7141, Wes-Kaap
Vanaf R2 600 per nag, vir 6 mense

Beskrywing

Bass Haven is 'n lieflike selfsorgvakansiehuis in die hartjie van Bettysbaai en dit spog met 'n pragtige uitsig op die berge. Dit is ideaal vir 'n gesinswegbreek, want dit is net 2 minute se stap vanaf Bass-meer.

Die huis bied slaapplek aan 6 volwassenes en 3 kinders en beskik oor 4 slaapkamers en 3 badkamers. Die hoofslaapkamer het 'n koningingrootte-bed en 'n en suite-badkamer met 'n bad en 'n stort. Die tweede en derde slaapkamer het elk 'n koningingrootte-bed en die vierde slaapkamer het 'n enkelbed en 'n stapelbed vir kinders. Die ander 2 badkamers het elk 'n stort, wasbak en 'n toilet.

Die ruim oopplan-leefarea beskik oor 'n kombuis wat met 'n gasstoof, elektriese oond, mikrogolf, yskas-vrieskas, eetgerei, breekware en 'n eiland met stoele toegerus is. Daar is ook 'n wasmasjien in die opwaskamer. Die kombuis lei na 'n sitarea met gemaklike sitplek, 'n kaggel en 'n TV met DStv. Gratis WiFi is beskikbaar. Langs die sitarea is daar 'n etenstafel met genoeg sitplek.

Buite is daar 'n onderdakstoep met sitplek en ingeboude braaigeriewe. Veilige parkeerplek is agter 'n afstandbeheerde hek op die perseel beskikbaar.

Bespreek