Beskrywing

Cape Garden Cottage is in 'n rustige tuin in die Kaapse voorstad Pinelands geleë en bied gerieflike, basiese selfsorgverblyf geskik vir paartjies, enkelreisigers of sakereisigers.

Die oopplan-kothuis bied slaapplek aan 2 gaste en het 'n dubbelbed en 'n en suite-badkamer met 'n stort, wasbak en 'n toilet. Ander geriewe sluit kombuisie met 'n mikrogolfoond, 'n yskassie, 'n eenplaatstoof, 'n broodrooster, tee- en koffiemaakgeriewe en WiFi in. Gaste het ook toegang tot die swembad en braai-area.

Cape Garden Cottage is heerlik sentraal geleë, naby 'n hele rits gewilde besienswaardighede. Ons is net 'n halfuur vanaf Tafelberg, 20 minute vanaf die V&A Waterfront, 20 - 30 minute vanaf gewilde strande en 40 minute vanaf die Wynlande. Die kothuis se doel is om 'n rustige wegbreek te bied sodat gaste kan ontspan na 'n dag van verkenning.