+44

Casa Tierra

2 resensies

Selfsorg

Soos Gesien op Instagram
Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 91 Dassen Island Drive, Yzerfontein, 7351, Wes-Kaap
Vanaf R6 000 per nag (plek vir 8)

Beskrywing

Casa Tierra is 'n selfsorghuis in die kusdorp Yzerfontein. Dié vakansiehuis bied 'n rustige wegbreek net 220 m van die strand af.

Die dubbelverdiepinghuis bied slaapplek aan 8 gaste en beskik oor 4 slaapkamers, 3 badkamers, 'n goed toegeruste kombuis en 'n oopplan-sitarea. Die hoofslaapkamer en tweede slaapkamer is onder en het onderskeidelik 'n koning- en koningingrootte-bed, asook 'n instapkas en 'n en suite-badkamer met 'n losstaande bad en 'n groot stort. Die derde en vierde slaapkamer is bo en het onderskeidelik 'n koningingrootte-bed en 2 enkelbeddens. Die gaste in dié slaapkamers deel 'n badkamer met 'n groot stort. Elke bed het 'n elektriese kombers en elke slaapkamer het hortjies en 'n gedeeltelike see-uitsig.

Die oopplan-kombuis is met 'n stoof, oond, mikrogolfoond, broodrooster, yskas-vrieskas, koffie- en teemaakgeriewe, 'n skottelgoedwasser, wasmasjien en 'n tuimeldroër toegerus. Die eetarea en sitarea langsaan het groot stapeldeure wat na 'n onderdakstoep lei.

Daar is ook 'n binnebraai en kuierarea met groot vensters en 'n uitsig oor die fynbos, Dasseneiland en die kus. Op 'n helder dag kan 'n mens Tafelberg in die verte sien. Veilige parkeerplek is beskikbaar.

Bespreek