+57

Ezulwini Game Lodge

13 resensies

Wildsplaas

Kapasiteit: 76 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Lot H 108, False Bay Road H414, Hluhluwe, 3960, KwaZulu-Natal
Vanaf R1 320 per nag, vir 2 mense
TGCSA-gradering:

Beskrywing

Ezulwini Game Lodge is 'n klein stukkie hemel op aarde en is geleë op 'n werkende pynappelplaas met 'n oorvloed wild en voëllewe rondom. Die lieflike rooibok, njala, sebra, kameelperd, suni en die ontwykende narina-trogon is maar enkele van die spesies wat jy by die lodge kan kry.

Verblyf word gebied in 27 gerieflike lodge-kamers, elk toegerus met 2 enkelbeddens, 'n en suite-badkamer met 'n stort, 'n toilet, asook 'n koffiehoekie met 2 stoele.

As jy regtig deel van die bos wil voel, kan jy een van die lodge se 4 kothuise kies. Elkeen is toegerus met 2 enkelbeddens, 'n stort en toilet, asook 'n volledig toegeruste kombuis. Buite is 'n wonderlike braai-area waar jy 'n bietjie kwaliteit tyd kan geniet met 'n glasie van jou gunsteling drankie en die een vir wie jy lief is.

Die lodge bied ook 'n wonderlike houthuisie met 'n volledig toegeruste kombuis en 'n eetkamer, waar 'n briesie eenvoudig na binne sal dryf terwyl jy kwaliteit tyd saam met jou vriende of familie spandeer weg van die besige lewe. Daar is 2 slaapkamers, 1 met 'n dubbelbed en die ander met 2 enkelbeddens. Elke slaapkamer het sy eie badkamer. Buite is 'n lieflike braai-area waar jy kan sit en ontspan.

Vir die groter gesin is daar 'n 3-slaapkamerhuis met 'n kombuis, sitkamer en 'n eetkamer. Die hoofslaapkamer is en suite terwyl die ander 2 slaapkamers 'n badkamer deel.

As die son te veel raak, kom na ons lieflike swembad waar jy kan afkoel.

Met die gasvryheid en vriendelikheid van die wonderlike personeel by Ezulwini Game Lodge sal jy in 'n japtrap tuis voel.

Bespreek