Beste wegbreuk as jy opsoek is na niemand om jou! Stil en rustig, mooiste uitsig. Presies waarna ons opsoek was. Bietjie duur vir dit wat jy kry, ons het gesukkel om te stort, die batterykrag is nie voldoende vir die waterpomp as jy snags of vroeg oggend wil stort nie en die waterpomp het 'n los konneksie. Verder het ons geen klagtes nie en het ons paar dae daar baie geniet!

Nie die moeite werd nie. Sonkop Cottage het regtig die potensiaal om 'n merkwaardige plek te wees, ongelukkig na my mening nog nie so ontgin nie en overpriced vir wat mens kry. Ons het 'n paar klagtes/aanbevelings aan die eienaar gerig met ons vertrek en dit het voorgekom asof die persoon nie regtig kon tyd afstaan om te luister nie, so nou noem ek dit maar hier: Die plastiekstoele op die stoep is verweer in son en weer en gee veselglasstukkies af wat in jou bene en klere vassit as mens daarop sit. Die drukpomp op die dak maak 'n moerse lawaai as die toilet gespoel word of as 'n kraan oopgemaak word. Die ligte dim en bright ook wanneer 'n kraan oopgedraai word. Ek besef dit is 'n eco cottage wat op sonkrag loop, maar nietemin. Daar was slote in die grondpad oppad na die huisie en ons het self die plaaswerkers bymekaar gemaak met grawe en 'n trekker om die slote vir ons toe te maak sodat ons met die huurkar by die huis kon uitkom en geen woord van verskoning of incheck van die eienaar gekry rakende die saak nie. Baie dankie aan die oulike plaaswerkers wat ons gehelp het om die probleem op te los! Verder kan hulle 'n bietjie afronding doen met 'n paar goed, bv. nuwe badkamer matjies, ens.