Beskrywing

Hierdie woonstel beslaan die onderste vlak van die eienaar se huis in die veilige Mosselbaai Gholflandgoed. Gaste het 'n aparte ingang om hul privaatheid te verseker en het toegang tot die landgoed se gemeenskaplike swembad, 18 putjie-gholfbaan, klubhuis, restaurant en die St Blaze-staproete.

Dié woonstel het slaapplek vir 2 gaste en beskik oor 1 slaapkamer, 1 badkamer, 'n kombuisie en 'n leefarea. Die slaapkamer is ingerig met 'n dubbelbed, 'n rusbank, 2 stoele en 'n kas. Daar is ook 'n platskerm-TV. Die en suite-badkamer het 'n stort, toilet en wasbak.

Die kombuisie is toegerus met 'n yskas-vrieskas, 'n mini-konveksie-oond met 'n tweeplaatstoof, 'n mikrogolfoond, 'n elektriese braaipan, eetgerei en breekware en tee- en koffiemaakgeriewe. Daar is 'n klein etenstafel met stoele waar gaste hul maaltye saam kan geniet, en daar is 'n privaat stoep met buitemeubels waar gaste kan ontspan. Veilige parkeerplek is op die perseel beskikbaar.