+63

Gunsteling

3 resensies

Selfsorg

Gratis kansellasie tot 1 week voor jou verblyf!
Kapasiteit: 9 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Gunsteling Farm, Molteno, 5500, Oos-Kaap
Vanaf R700 per nag, vir 2 mense

Beskrywing

Gunsteling Roetes is 28 km vanaf Molteno en bied gerieflike verblyf aan 'n groot groep familie of vriende. Die perseel is die ideale wegbreek vir natuurliefhebbers wat uit die stad wil ontsnap.

Verblyf is beskikbaar in 3 kamers in 'n pragtige ou plaashuis. Elke kamer het gemaklike beddens en deel 'n badkamer met die ander kamers. Die badkamer het 'n stort en bad. Alle linne en handdoeke word voorsien.

Die gemeenskaplike kombuis is met 'n tweeplaatstoof, yskas, mikrogolf, ketel, broodrooster, eetgerei en breekware toegerus. Die gemeenskaplike sitkamer beskik oor gemaklike rusbanke en 'n kaggel vir daardie koue wintersaande.

Buite is daar 'n stoep met 'n etenstafel, 'n rusbank en 'n gemeenskaplike braai-area.

Aasvoëlberg is die hoogste berg in die distrik en is op Gunsteling geleë. Die berg is 2208 m bo seespieël en het Boesmantekeninge, pragtige sandsteenformasies en unieke plantegroei. Aasvoëlberg is ook bekend vir hoogte-oefening en word gereeld gebruik vir die Extreme Challenge ─ 'n bergfietskompetisie wat as die moeilikste uitdaging van sy soort beskryf word. Ander aktiwiteite op die perseel sluit voetslaan, fietsry, 4x4-roetes, visvang en voëlkyk in.

Bespreek