+31

Ladismith Country House

5 resensies

Gastehuis

Kapasiteit: 11 persone
Alle ouderdomme is welkom
Inkloktyd: 15:00 tot 17:00
Uitkloktyd: 10:00
Adres: Farm 89, Portion 8, Knuiswagendrift, Ladismith, 6655, Wes-Kaap
Vanaf R1 100 per nag (plek vir 2)

Beskrywing

Ladismith Country House is op 'n skaapplaas 7 km vanaf Ladismith in die pragtige Swartberge op die bekende Roete 62 geleë. Dis net 3 uur se ry vanaf Kaapstad en 2 uur se ry vanaf George-lughawe.

Dié gasteplaas word privaat besit en bestuur, en bied die perfekte Klein Karoo-ervaring aan die mees gesoute vakansieganger of sakereisiger. Hiér voel jy amper net so tuis soos by die huis! Ladismith Country House is op ’n 60 hektaar-plaas geleë en dis 'n absolute natuurliefhebbersparadys met verskeie voëlspesies, fynbos en vetplante om te aanskou.

Die Herehuis het 5 suites wat elkeen uniek en keurig ingerig is om ’n knus, ontspanne Klein Karoo-kuier te verseker. Elke suite het 'n privaat ingang en 'n patio met direkte toegang tot die pragtige tuin. Die 5 en suite-kamers beskik oor lugversorging wat verkoel en verhit, katoenlinne, kluise, en koffie- en teemaakgeriewe.

Paddasang-selfsorgkothuis is geskik vir 6 gaste en is heeltemal afgesonder langs 'n mooi dam. Daar is 3 slaapkamers, 2 badkamers met storte, 'n kombuis wat ten volle toegerus is, asook 'n eet- en leefarea.

Ladismith Country House bedien ’n stewige ontbyt en/of aandete by ons Bistro wat vooraf teen 'n ekstra koste gereël kan word. Gaste kan maaltye in die eetkamer nuttig terwyl hulle uitkyk oor die lieflike tuin en Klein Karoo-landskap. Luister gerus na die gekwetter van tarentale, hadedas, wilde ganse, patryse en fisante terwyl jy behoorlik smul.

Bespreek