+33

Lodge 14 at Zebula

Selfsorg

Gratis kansellasie tot 1 week voor jou verblyf!
Kapasiteit: 13 persone
9 volwassenes, 4 kinders
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Farm 534 Mabula, Zebula Golf Estate and Spa, Bela-Bela, 0480, Limpopo
Vanaf R4 500 per nag (plek vir 13)

Beskrywing

Lodge 14 by Zebula Gholflandgoed en Spa bied gerieflike selfsorgverblyf in 'n lieflike huis in die Zebula Gholflandgoed. Die Zebula Gholflandgoed en Spa is 60 km buite die dorpie Bela-Bela geleë.

Die grasdakhuis beskik oor 5 en suite-slaapkamers, elk met 'n skuifdeur wat na buite lei. Daar is 2 slaapkamers met 'n koningingrootte-bed in elk, 2 slaapkamers met 2 enkelbeddens in elk, en 'n slaapkamer met 'n enkelbed. Daar is ook 'n sesde slaapkamer wat nie en suite is nie. Hierdie slaapkamer het 2 stapelbeddens slegs vir kinders. Beide bad- en stortgeriewe is beskikbaar.

Die huis beskik ook oor 'n oopplan-kombuis, -sitkamer en -eetarea. Die kombuis is toegerus vir selfsorg met 'n yskas, 'n oond en stoof, en 'n mikrogolfoond, en die sitkamer het gemaklike leersitplek en 'n TV met sekere DStv-kanale. Die patio lei na die buitebraai-area met 'n plonspoel, ideaal vir daardie warm somersdae.

Zebula Gholflandgoed beslaan 1 600 hektaar Afrika-bosveld. Zebula is 'n natuurreservaat en 'n buiteklub, met meer as 450 diere, en is die tuiste van meer as 20 spesies Afrika-soogdiere, insluitend kameelperde, elande, koedoes, gemsbokke, njalas, rooibokke, rooihartbeeste, blouwildebeeste, vlakvarke en bosvarke . Zebula is in die skaduwees van die Waterberge geleë en is 220 km vanaf Johannesburg. Wildritte word regdeur die reservaat aangebied, sowel as na Mabalingwe Wildreservaat.

Bespreek