Beslis 'n plek om te gebruik as jy Marloth wil besoek. Sal beslis weer by Martys Place gaan bly, ek was al vier keer in Marloth en het nog nooit so lekker gebly nie. Die ligging is net reg en die voerbakke maak dat die diere bly terugkom. Die personeel is vriendelik en behulpsaam.

Fantasties. Twee enkel mammas soek rus. Ons het absoluut die beste tyd gehad. Die plek is pragtig, rustig en veilig. Die diere het nie teleurgestel nie en ons was elke dag gegroet met bekende gesiggies. Felicia, Frikkie en baba Frikkadel, die kuku gesin, soos genoem deur ons, was natuurlik 'n gunsteling. Ek het ook goeie oefening gekry, want as die kos die bakke tref, moes ek hardloop vir my lewe, anders was ek omsingel. Ouma Aggy en Oupa Em het ons met ope arms ontvang. Hulle liefde vir Marloth en Marty's Place straal uit en hul daaglikse grappies het hard aan die maagspiere getrek. Oupa het vinnig die varkies en blouwildebees kom wys wie is baas as hulle stout is. Hulle is net wonderlik. Marty's Place is 'n juweel en ons sal definitief weer kom kuier, volgende keer met die kroos. Baie dankie vir jul gasvryheid.

Lekker gebly - sal weer soontoe gaan. Sal graag WiFi daar wil hê. Heerlike groot woning met lugversorging in. Het ons verblyf baie geniet. Baie diere wat daar beweeg. Pad soontoe, binne in Marloth Park, kort regtig baie aandag.

Rustig en salig. Dit was heerlik! Ons sal weer daar gaan kuier.

Lekker gebly. Plek vir verbetering. Ons het lekker gebly. Daar is plek vir verbetering. Kort definitief bietjie herstelwerk hier en daar. Diens was puik. Kamer is effens vergete van. Daar is effens 'n bedrading probleem.

Marlothpark bly maar een van ons gunsteling vakansie plekke. Die kombuisarea wat bo is, was effe ongemaklik, maar daar was darem 'n klein yskassie onder. Kombuis het alle nodige geriewe. Kinders het die pooltafel baie geniet, net jammer dit was ongemaklik warm bo met slegs waaiers. Skerms aan die kante kon ook nie oopgemaak word vir 'n bietjie ventilasie nie. Gaste moet maar liefs eie kussings saamneem aangesien daar slegs 1 kussing per persoon voorsien word. Neem ook toiletpapier saam aangesien dit nie voorsien word nie. Was baie behulpsaam. Die huisie is halfpad tussen die rivier en die winkelsentrum, dus het dit 'n lekker ligging. Elke kamer het aircon en 'n eie badkamer wat gerieflik was. Die braai area was ook gerieflik en is daagliks skoongemaak. Daar was gereeld diere wat ons kom besoek het.

Rustig in die natuur. Ons het so 'n wonderlike kuier by Marty's Place gehad. Die kamers was baie goed toegerus en dit is so gerieflik dat elke kamer 'n en suite badkamer het. Die braaiarea met die lekker groot stoep het verseker bygedra tot 'n baie gerieflike kuier. Die kinders het die swembad vreeslik geniet en dit was so lekker dat die diere so gereeld kom inloer. Die kombuis is baie goed toegerus en het alles wat 'n mens moontlik nodig het. Die foto's is presies wat jy kry by Marty's Place. Hulle is baie vriendelik en het ook baie geduld gehad met my kinders wat baie vrae gehad het. Hulle het ook moeite gedoen om vir hulle diere uit te wys. Ons sal beslis weer kom kuier!