Dankie vir jou gasvryheid. Nostalgiese plaaskuier!

Karooplaas, vars lug, stille vrede, rustig, pure plaas. Ons het dit baie geniet om by die akkommodasie oor te bly. Dit is net mooi halfpad Kgalagadi toe vanuit Kaapstad. Daar is nie 220V nie (wat ons geweet het), maar daar is ligte en 'n fantastiese ys/vrieskas wat klaarblyklik met wind/son/batterykrag werk. Ons het heerlike lamtjops en ribbetjies (het sommer 'n hele lam van De Kraal Slaghuis in Brandvlei gekoop) gebraai in die vars Karoolug. Ons sal graag weer die Karooplaas oorbly geniet.

Veilig, rustig, vriendelike ontvangs. Rustige Karoo-atmosfeer, veilig en gerieflik. Ons het wel die afwesigheid van enige muurproppe lastig gevind. Ons het mediese toerusting gehad wat ons nie kon gebruik het nie. Dit behoort duidelik op die webwerf aangedui te word dat die verblyf nie enige muurproppe het om toerusting soos selfone en kamerabatterye te herlaai nie.

Basies en funksioneel. Lekker vir oorslaap. Ons het heerlik gekuier en die dam was voorwaar lafenis op 'n baie warm dag. Heila het baie moeite gedoen om seker te maak elke ou het 'n slaapplek.

Regte plek op verkeerde tyd vir my. Ek het bespreek op aanbeveling van kennisse en het nie die webtuiste se oorsig gelees nie. Solarkrag vir yskas, ligte en WiFi, met geen kragproppe, beteken geen lugversorger of verwarmer op 'n bitterkoue wintersaand nie. Daar was ook geen krag toe ek opstaan nie, en ek moes met 'n kopliggie regmaak om te vertrek. Die ligte het eers 07:30 vm aangekom toe ek toesluit. Ek sal weer daar oornag as dit in my reisplan pas, maar nie in die winter nie.

Wonderlike plaasbestemming. Die koel dam op 'n warm lentedag was 'n wonderlike bederf. Die huis is heerlik ruim.

Baie lekker pitstop. Heerlik gebly. Daar is geen selfoon ontvangs of kragproppe. Daar is egter 'n motorlaaier waarby 'n selfoon gelaai kan word. Die huis het ligte en toegruste gas geysers, stoof ens. Is teen R27 geleë wat tog 'n gevoel van onveiligheid gee, hoewel dit tog veilig was.

Great overnight stay. The remoteness and quietness is wonderful. Had a lovely overnight stay on the way up to the Kgalagadi.

Stil. Ons het hierdie gekies bo akkommodasie in Brandvlei self. Die stil plaas was 'n baie goeie ontlading. Twee items wat vir ander klante kan tel: 1. Plaasdam was nie skoon vir swem nie. 2. Geen Eskom krag, maw inverter wat ligte en 'n selfoon laaier. Dit was nie 'n probleem nie vir een aand nie, maar ek dink dis nodig om hierdie duidelik op die webwerf te plaas.