Great. It was an amazing stay. I will return.

Good rest. This was one of our best trips to Mabalingwe. A lot of animals visited us every day and we enjoyed the location of the house.

Genoeg spasie en die diere kom kuier gereeld! Ja, het lekker gebly! Sal net spieëls in slaapkamers voorstel aangesien dit so ruim is. Een kamer het egter 'n spieeltafel gehad en ons almal het daar ons hare geblaas.

Bosveld familie reunie. 'n Lieflike ruim huis wat gemaklik 10 mense gehuisves het. Ons was 'n mengelmoes van oud en jonk, maar almal was in hul noppies. Die koedoes, vlakvarke, voëls en bosvarke was 'n ware boskonsert. Baie dankie aan Leen wat ons die geleentheid gebied het waar oorsese kinders en SA ouers weer kon ontmoet! Leen was baie behulpsaam met ons reservasie en datums, en ons is baie dankbaar daarvoor. Ons wag net nog vir die deposito se terugbetaling, maar besef dat dit maar 'n tydjie kan vat.

Bosveld droom. Baie lekker gebly. Ruim en netjies. Pragtige plek in die hartjie van die bos.

Baie ontspannend! Die huis is gerieflik en ruim en goed toegerus met alles wat mens moontlik benodig. Die omgewing en wild is 'n absolute bonus. Ongelukkig was daar bedags heelwat werkers besig met padbou en geraas en stof. Verstaanbaar en seker net tydelik.

Baie lekker gekuier, baie ruimte. Sal weer daar bespreek. Dankie. Dit is 'n goed ingerigte lodge met baie ruimte vir 'n groot groep/familie. Dit het ons stoutste verwagtinge oortref. Uitsig van die boonste balkon is fantasties, veral met sonsondergang. Al die diere, Koedoes, Nyalas, vlakvarke en bosvarke, asook die voëllewe, is regtig uitsonderlik. Ons het elke oomblik geniet.

Heerlik, bo-verwagting, onvergeetlik! Ons het ons tydjie by Paradise Lodge Safari baie geniet! Die huis is pragtig, netjies en skoon met 'n wonderlike uitsig vanaf die boonste stoep. Die diere het gereeld by die huis kom kuier. Ons was ook op 'n game drive (ekstra koste) waar ons die kameelperde en olifante gesien het.

Ons het 'n familiebyeenkoms gehad om 'n 75e verjaardag te vier. Paradise Safari. Ja, verblyf was baie goed.

Baie lekker. Ons was 'n groep van 8 volwassenes. Het baie lekker gebly. Baie ruim huis en slaapkamers. Nie seker hoe dit ander tye van die jaar is nie, maar die laatmiddagson het ons uitgebak; so van 3 uur af kon mens glad nie op die stoep sit nie. Was net te warm, met die son wat direk daar inskyn. Ons was gelukkig om 2 aande deur olifante besoek te word. Huis het alles wat nodig is.