+65

Pezulu Tree House Game Lodge

19 resensies

Wildsplaas

Soos Gesien op Instagram
Kapasiteit: 36 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Guernsey Road, Hoedspruit, 1380, Limpopo
Vanaf R4 930 per nag, vir 2 mense

Beskrywing

Pezulu Tree House Lodge is 'n klein, eksklusiewe boomhuis-wildplaas in die Guernsey Private Natuurreservaat in Limpopo. Die lodge met 10 unieke boomhuise is lekker klein om die ervaring vir elke gas persoonlik te maak.

Pezula is gebou om die omgewing te vier. Elke boomhuis is tussen die boomtoppe gebou en verseker só dat natuur en gerief moeiteloos saamsmelt. Stewige houtpaadjies lei na die boomhuise en elke boomhuis het 'n groot balkon vanwaar gaste die troppe diere wat onder wei kan dophou. Elke eenheid het muskietnette, 'n waaier, 'n haardroër en koffie- en teemaakgeriewe.

Aandete en ontbyt is by die tarief ingesluit en word in die eetarea by die hooflodge bedien. Die hoofarea spog met 'n gaste-sitkamer en -kuierarea, 'n kurio-winkel, 'n boma, 'n boskroeg en 'n rotspoel met sonstoele.

Met 'n verskeidenheid ervarings en 'n ligging naby die Panoramaroete en die wêreldbekende Krugerwildtuin, is 'n besoek aan Pezulu Tree House Game Lodge iets wat gaste eenvoudig nooit sal vergeet nie.

Bespreek