Beautiful, beautiful, beautiful! Dit is 'n wonderlike plek om net af te skakel in die natuur en stilte. Castanea is ideaal vir twee families om te deel. Dis skoon en netjies en goed toegerus.

Gerieflik, skoon en in die natuur, kom ontspan net. Pinella was fantasties. Die slaapkamers en loft was groter as wat dit op die foto's gelyk het. Almal in ons geselskap was vol lof oor die verblyf. Die ligging was baie sentraal van alles af. Die area rondom die verblyf is pragtig. Dit het alles wat 'n mens nodig het vir 'n wegbreek. Ons gaan beslis oorweeg om terug te kom vir nog 'n kuier.

Hemel op aarde. Baie luuks, ongelooflike ligging. Sien sterre.

Fantasties! Die eenheid en omgewing is baie mooi. Ons gesin het die plek baie geniet. Die eenheid was skoon, netjies en die ligging is uitstekend.

Uit die boonste rakke! Fantastiese plek, heerlike 2 kaggels, gasvryheid en ligging perfek. Die plek is kunstig en keurig ingerig. Hoog aanbeveel! Die selfoonontvangs is wel nie altyd goed nie.

Vrede vir my siel. Dit was my tweede keer by Pinella, en hierdie keer het ek nie net verbygerij vir 'n troue nie, ek het gekom vir Pinella self. Ek het spesiaal teruggekeer met die doel om te rus en om asem te haal en weer te voel, en glo my, dit het my nie teleurgestel nie. Vanaf die oomblik wat jy by Pinella instap, word jy oorweldig deur vrede. Die natuur en woud omring jou, die huis is pragtig ingerig - stylvol maar warm. Dis die tipe plek waar jy jou skoene kan uitskop, 'n boek oopmaak en vergeet van die wêreld daar buite! Wat my besonders diep geraak het, is hoe die plek jou nie net fisies laat rus nie, maar innerlik ook.

Spesiale woudervaring. Wonderlike verblyf in 'n knus woudkothuis met kaggel, ekstra komberse en 'n lekker kuierstoep. Rustige omgewing waar jy veilig kan stap. Gerieflike ligging naby goeie restaurante. Mal oor die verbeterings wat aangebring is, veral die ekstra slaapkamer onder. Baie mooi! Puik waarde vir geld. Kos vir die siel.

Eks verlief op die plekkie! Ons het baie lekker gebly. Die plekkie is pragtig en so "cozy". Ek het dit baie waardeer dat daar elektriese komberse, "heaters" en 'n kaggel was. Ek was al by baie ander plekke in die winter waar ek baie koud gekry het, waar daar nie eers ekstra winters kombers was nie, so dit was vir my so bedagsaam dat hulle aan dit gedink het. Ek sal nooit weer iewers anders bly wanneer ek in Magoebaskloof se area is nie. Ek is verlief op die plekkie.

Skoon, netjies en oulike blyplekkie. Ons was mal daaroor. Baie lekker gebly. Kombuisie is vol toegerus, warm beddegoed was beskikbaar en ons het net tuis gevoel.

Rus en vrede tussen die mooiste bome. Ons het 'n wonderlike naweek in Pinella en Castanea gehad. Die huise is albei ingerig met alles wat nodig is. Pilot en Portia se vriendelike en hulpvaardige diens was 'n groot bederf.