+27

Plankiesplesier

6 resensies

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: 113 Malva Road, Danabaai, Mossel Bay, 6510, Wes-Kaap
Vanaf R2 700 per nag (plek vir 6)

Beskrywing

Plankiesplesier bied verblyf langs die see in Danabaai, net 8 km vanaf Mosselbaai.

Die huis het lieflike see-uitsigte, slaapplek vir 6 mense in 3 slaapkamers, en daar is 2 badkamers. Ekstra verblyf vir 2 mense is in die woonstel beskikbaar. (Die woonstel kan net saam met die huis bespreek word.) Die hoofslaapkamer het 'n koningingrootte-bed en die ander slaapkamers het elkeen 2 enkelbeddens. Die 1 badkamer het 'n bad en daar is 'n stort in die ander badkamer.

Die kombuis is volledig toegerus vir selfsorg en beskik oor 'n yskas, stoof en oond, asook 'n mikrogolfoond. Daar is ook 'n wasmasjien en 'n tuimeldroër. Een van die twee leefareas het 'n TV met DStv. Gaste kan heerlik ontspan op die houtdek en braaigeriewe is beskikbaar. Onderdakparkeerplek word voorsien. Troeteldiere word ongelukkig nie toegelaat nie.

Die trappe wat na die strand lei, is sowat 200 m van Plankiesplesier af. Die omgewing is veral bekend onder vissermanne en Swarttobies word gereeld op die strand gewaar.

Plankiesplesier is net 6 km vanaf Mosselbaai, 17 km vanaf Hartenbos, en 46 km van George Lughawe af. 'n Hele paar gholfbane is in die omgewing te vinde. Daar is verskeie besienswaardighede en doendinge in die omgewing soos bergfietsroetes, 4x4-roetes, visvang, die Bartholomeu Dias Skeepvaartmuseum, die Garden Route Casino, Cape St Blaise-vuurtoring en meer!

Bespreek