+43

Royston Hall Historical Guest House

24 resensies

Gastehuis

Soos Gesien op Facebook
Kapasiteit: 14 persone
Geen kinders onder 12
Inkloktyd: 14:00 tot 19:00
Uitkloktyd: 12:00
Adres: Royston Hall, Lot 949 Royston Lane, Umtentweni, 4235, KwaZulu-Natal
Vanaf R1 300 per nag, vir 2 mense

Beskrywing

Royston Hall Historical Guest House is 'n statige ou Victoriaanse Herehuis in Umtentweni en is gelys as 'n huis met historiese belang deur die Geskiedkundige Raad. Die huis is weggesteek in sy eie klein natuurreservaat en dit bied 'n uitsig oor die Umzimkulu-riviermonding met die Indiese Oseaan in die verte.

Verblyf word in 7 suites aangebied wat elk slaapplek vir 2 gaste het. Elke suite het 'n en suite-badkamer met 'n stort, toilet en wasbak. Suite nr. 5 het 'n bad en stort. Een enkelkamer het 'n en suite-badkamer met 'n stort, toilet en wasbak. Daar is ook 'n TV, WiFi, yskassie, mikrogolfoond en tee- en koffiemaakgeriewe. Sommige suites het ook 'n kaggel, stoep of balkon.

Gaste kan in die formele sitkamer of in die tweede sitkamer met 'n Afrika-tema by die slaapkamers ontspan.

Die groot swembad het 'n dek met 'n uitsig oor die duine. Die Victoriaanse stoep strek reg rondom die gebou en hier word ontbyt bedien indien dit mooi weer is. Anders word dit in die formele eetarea bedien.

Die gastehuis tel 208 soorte voëls en met 'n bietjie verbeelding voel dit of gaste hulself in 'n reuse voëlhok sonder heinings bevind. Voëlkykgroepe is welkom; doen gerus navraag oor spesiale tariewe.

Die gastehuis is 118 km suid op die N2 van Durban af geleë en 2,3 km van die Umtentweni-swemstrand af. Dit is ook naby alle geriewe en 9 wêreldklas-gholfbane.

Bespreek