Beskrywing

Villa Flamenco 14 is 'n selfsorg-vakansiewoonstel met 2 slaapkamers in Shaka's Rock in KwaZulu-Natal. Shaka's Rock is 'n kusoord wat net 5 kilometer noord van Ballito geleë is, langs die Indiese Oseaan aan die pragtige Dolfynkus.

Dié woonstel het slaapplek vir tot 4 gaste in 2 dubbelslaapkamers. Een slaapkamer het 'n dubbelbed, en die ander het 2 enkelbeddens. Daar is 2 badkamers, 1 met 'n bad en die ander met 'n stort. Die kombuis is volledig toegerus vir selfsorg en die leefarea maak oop na 'n patio-area. 'n Toesluitmotorhuis is beskikbaar vir gaste.

Die strand by Shaka's Rock is 'n gunsteling onder ski-bootvaarders en strandliefhebbers, sowel as 'n goeie diepsee-hengelplek. Shaka's Rock bied skouspelagtige uitsigte oor die kuslyn en verder, en die oord is ideaal vir 'n gesinsvakansie, wat alles verskaf wat nodig is vir seepret. Al die belangrikste geriewe is beskikbaar by Ballito, sowat 5 minute se ry weg.