+32

Shebamona

3 resensies

Selfsorg

Gratis kansellasie tot 1 week voor jou verblyf!
Kapasiteit: 8 persone
6 volwassenes, 2 kinders
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 2862 Tarentaal Avenue, Marloth Park, 1321, Mpumalanga
Vanaf R2 200 per nag (plek vir 8)

Beskrywing

Shebamona is in Marloth Park geleë en bied selfsorgverblyf in 'n ruim huis wat tot 6 volwassenes en 2 kinders kan akkommodeer.

Die dubbelverdiepinghuis beskik oor 3 slaapkamers, 2 badkamers, 'n kombuis, 'n sitkamer en 'n balkon met lieflike uitsigte oor die omgewing. Die hoofslaapkamer is op die eerste verdieping geleë en is ingerig met 'n koningingrootte-bed, 2 driekwartbeddens en 'n en suite-badkamer met 'n stort, 'n bad en 'n toilet. Die ander 2 kamers is op die grondvloer geleë en is ingerig met 'n dubbelbed in elk. Die kamers deel die gebruik van 'n badkamer met 'n stort en 'n toilet.

Die kombuis is volledig toegerus met 'n stoof en oond, 'n mikrogolfoond, 'n yskas, asook tee- en koffiemaakgeriewe. Gaste kan hul maaltye by die etenstafel geniet en in die sitkamer ontspan. WiFi en DStv is beskikbaar. Sonpanele met rugsteunbatterye, asook 'n Jojo-tenk, word voorsien vir onvoorsiene omstandighede.

Gaste kan ontspan op die stoep wat toegerus is met 'n gasbraai, of op warm dae in die privaat plonspoel afkoel. Skoonmaakdiens is gedurende die week beskikbaar teen 'n ekstra fooi.

Besoekers aan Marloth Park sal die geleentheid kry om 'n wye verskeidenheid vrylopende wild te sien, voëlkyk te doen, fiets te ry, te stap. Die dorp bied ook 'n waterpark, en putt-putt sowel as basiese geriewe soos 'n drankwinkel, 'n restaurant, 'n bakkery, 'n curio-winkel en 'n vulstasie.

Bespreek