+120

Waaihoek Private Game Farm and Lodge

33 resensies

Selfsorg

Kapasiteit: 28 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: N12, Waaihoek Farm, Warrenton, 8530, Noord-Kaap
Vanaf R1 200 per nag, vir 2 mense

Beskrywing

Waaihoek Private Game Farm and Lodge is reg op die oewer van die Vaalrivier en sowat 10 km vanaf Warrenton op die N12 geleë.

Die plaas bied 2 selfsorg-eenhede en 1 lodge wat uit 4 hout-cabins bestaan. Die aparte selfsorg-eenhede bied slaapplek aan 4 gaste in 2 slaapkamers. Dié eenhede beskik elk oor 'n oopplan-leefarea en -kombuis wat met 'n yskas-vrieskas, 'n mikrogolfoond, 'n stoof, lugversorging, breekware en eetgerei toegerus is. Die sitarea het 'n gemaklike rusbank en 'n TV met sekere DStv-kanale. Die leefarea lei na 'n houtdek met 'n buite-eetstel en 'n gasbraai. Die dek bied 'n uitsig oor die plaas met ononderbroke uitsigte oor die Vaalrivier.

Schoonuitsicht is 'n lodge wat bestaan uit 4 hout-cabins wat deur 'n houtpaadjie verbind word. Twee van die cabins het elk 2 dubbelbeddens en die ander twee cabins het elkeen 'n dubbelbed en 2 enkelbeddens. Elke cabin het 'n badkamer met 'n stort, toilet en wasbak.

Die lodge het 'n oopplan-leefarea en -kombuis asook aparte buite-ablusiegeriewe met 'n stort, toilet en wasbak. Die groot oopplan-leefarea het 'n sitarea met gemaklike leerbanke en 'n TV met DStv. Die kombuis is met 'n dubbelskuifdeur-yskas, 'n mikrogolfoond, 'n stoof, 'n oond, 'n ysmaker, 'n skottelgoedwasser en 'n wasmasjien toegerus. Dit het ook lugversorging. Die leefarea lei na 'n houtdekarea met 'n privaat kroeg, 'n gasbraai en buitemeubels, alles met 'n uitsig oor die Vaalrivier. Die lodge het sy eie parkeerarea en 'n swembad.

Aktiwiteite op die plaas sluit 'n 4 km-roete langs die rivier, visvang, wildkyk, voëlkyk en 'n veteraanmotorversameling in.

Bespreek