+76

Forest View Cabins

113 resensies

Selfsorg

Spesiale Aanbod 15% af

Kry 15% af (minimum twee nagte se verblyf). Geldig vir verblyf vanaf 13 Okt 2025 tot 31 Okt 2025.

Kapasiteit: 22 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Meyersrus Road, AB23O, Tzaneen, 0850, Limpopo
Vanaf ~~R980~~ R833 per nag, vir 2 mense

Beskrywing

Forest View Cabins is 14 km buite die tropiese dorp Tzaneen geleë, en word omring deur die majestueuse Wolkberge en woudplantasies. Dié selfsorgverblyf is knus, elegant en spog met prentjiemooi uitsigte.

Berblyf word in 5 stylvol versierde houthuise wat volledig is vir selfsorg toegerus is, gebied. Daar is 3 houthuise met 2 slaapkamers en ’n groot dubbelslaapbank in die sitarea, wat gemaklik slaapplek aan 6 gaste bied. Die ander 2 houthuise is oopplan en het 'n koninggrootte-bed of 2 enkelbeddens. Elke houthuis het ’n kaggel binne en 'n
onderdakdek vanwaar asemrowende uitsigte geniet kan word. Die houthuise is verhewe bo die grond en kinders moet dus dopgehou word.

Elke houthuisie het 'n rustieke plonspoel by die piekniek- en speelarea waartoe alle gaste toegang het.

Forest View Cabins het elektriese heinings en geslotekringtelevisie vir gaste om werklik te ontspan sonder om oor hulle veiligheid te bekommer.

Forest View Cabins is ideaal geleë vir gaste om die omliggende areas te verken wat tientalle diverse dinge bied om te sien en doen. Almal moet soms wegbreek van die gejaag van die alledaagse lewe en Forest View Cabins is die ideale keuse met geen verkeer, geen TV en geen onderbrekings nie.

Let asb. daarop dat Forest View Cabins in 'n beboste area is en dat die bosbou-aktiwiteit op naburige plase moontlik steurend kan wees tydens werkure. Let ook op dat die enigste toegangsroete na Forest View Cabins via die 3,5 km lange grondpad is, wat na die akkommodasie lei. Die pad is gewoonlik in 'n goeie toestand en rybaar met 'n gewone sedan, maar in sekere dele moet stadig gery word.

Bespreek