+52

Gariep, a Forever Resort

273 resensies

Oord

Kapasiteit: 1000 persone
Alle ouderdomme is welkom
Inkloktyd: 15:00 tot 18:00
Uitkloktyd: 10:00
Adres: 2 Fiskaal Street, Gariep Dam, 9922, Vrystaat
Vanaf R398 per nag, vir 2 mense
TGCSA-gradering:

Beskrywing

Gariep, a Forever Resort is perfek geleë halfpad tussen Gauteng en die Kaap aan die oewer van die land se grootste dam, die Gariepdam. Dis die ideale bestemming vir gesinne, vakansiegangers, sakereisigers, afgevaardigdes, watersport-entoesiaste of reisigers op soek na oornagplek.

Die oord bied 'n hele verskeidenheid toegeruste chalets met 2 of 3 slaapkamers. Vanuit jou chalet kan jy jouself verlustig in die luisterryke sonsondergange oor die dam. Elke chalet het 'n TV met sekere DStv-kanale.

Die karavaan- en kampeerterrein bied standaard en luukse staanplekke. Die staanplekke het almal kragpunte en daar is 2 ablusieblokke, insluitend 'n kitswassery. Die luukse staanplekke het elk hul eie ablusiegeriewe.

By die Gariepdam is daar heelwat geriewe en aktiwiteite om jou vakansie-ervaring te vervolmaak. Gaan eet by Quenna Bistro-restaurant op die perseel, geniet 'n drankie by die kroeg of bring 'n aand in die privaatheid van jou eie chalet deur nadat jy al die nodige proviand by die kruidenierswinkel reg langs die oord aangeskaf het.

Gariep, a Forever Resort is op die grens van die Vrystaat, Noord-Kaap en die Oos-Kaap geleë en ons bied 3 konferensie-venues wat van 12 - 400 afgevaardigdes kan akkommodeer. Al die vertrekke is met moderne konferensiegeriewe toegerus. Ons bied ook pakkette aan wat by jou behoeftes en begroting aangepas kan word.

Bespreek