Heerlike plaaskuier. Baie mooi ligging, het heerlik gekuier. Van die meeste en mooiste blomme in blomtyd is op hul eie plaaspad, op pad na Namakwa Nasionale Park. Baie gawe eienaars, en Wolf se pannekoek is besonder lekker.

Ons het akkommodasie gebruik om Namakwaland Park en omliggende areas te verken. Baie lekker gebly in goed geleë verblyf.

Baie aangename verblyf in mooi omgewing. Die omgewing is ongelooflik mooi, veral in die blommetyd. Die pad soontoe kan uitdagend wees, veral na reën. Aandag aan klein goedjies soos sepie en klein handdoekie in badkamer sal nogal help. Verblyf was aangenaam en omgewing besonder mooi.

Baie lekker gekuier en baie rustig en stil. As jy lief is vir stilte en die mooi en geluide van die plaaslewe is dit die plek vir jou met gasvrye, vriendelike mense.

Ek sou permanent hier kon bly! Heerlik! Die perfekte plekkie om te kom rus - geen TV en geen selfoonsein! Die natuur is onbeskryflik mooi en die plaas bring 'n rustigheid wat heerlik is. Die huise is goed toegerus en baie netjies. Esmi en Phillip is baie vriendelik en hulpvaardig. Ons sou werklik sommer permanent hier kon bly.

Unit was neat and clean and suited our all our needs. Esmi and husband Phillip were perfect hosts during our two night stay and we were honoured to spend time on their wonderful farm. It was awesome to have walked with Phillip on one of his "goat check" rounds which was very informative.

Baie rustige omgewing om van die gejaag weg te kom. As jy rustigheid wil hê is hierdie die plek waar jy moet kuier. Esmi het ons by aankoms welkom laat voel. Alhoewel dit 'n werkende plaas is, was geen van die aktiwiteite steurend nie. Die huisie is gerieflik klein met alles wat jy benodig byderhand. Hou van die oudhede in die dekor. Kasper die groot hond is ook baie vriendelik. Sal beslis weer daar aangaan as dit op ons roete is. Sal volgende keer in die Blommehuisie wil bly.

Maklik, plaasgasvryheid en regtig die moeite werd as jy in dié kontrei is. Ons het baie lekker gebly en ons dogter van twee het die plaasdiere ongelooflik baie geniet! Dis jammer ons het net een aand gebly, maar ons was op pad na die Kgalagadi. Definitief 'n aanbeveling as jy deur die Namakwaland reis!

Kreatief en interessante plekkie. Rustige plek op 'n werkende plaas. Esmi het mooi plekkies op die plaas uitgewys wat ek self kon gaan verken. Pragtige paadjies waar dit net jy en die natuur is.